Репрезентацијата на Италија е вториот четвртфиналист на Европското првенство откако вечерва ја елиминираа Австрија со 2:1 дури во продолженијата. Во регуларните 90 минути мечот заврши без голови.
„Аѕурите“ се мачеа да ги „отворат“ Австријците, имаа иницијатива, преку Имобиле ја погодија стативата, но за малку ќе беа казнети во вториот дел. Во 66 минута Арнаутовиќ го совлада Донарума, но голот на Австријците го поништи ВАР затоа што е утврдено дека австрискиот напаѓач бил во офсајд.
Во првото продолжение, поточно во 95 минута по една одлична акција и прекрасен потек на Федерико Киеза, Италија дојде во водство. Киеза е стрелец на голот 25 години откако неговиот татко Енрико Киеза ја затресе мрежата на Чесите на ЕУРО 1996 година.
Chiesa’s goal 🔥 #EURO2020 pic.twitter.com/V4eKuDHV9F
— FIFA 22 News (@UltimateTeamUK) June 26, 2021
Во 105. минута точка стави Матео Песина. Фудбалерот на Аталанта собра еден „отпадок“ и со левата нога го совлада австрискиот голман.
Трошка надеж за Австријците даде погодокот на Саша Калајџиќ во 114. минута, но немаше време за нив да стигнат до израмнување и до пеналите. Тоа е и првиот гол што го прими Италија по 1168 минути.
Italy get their second goal and all but punch their place into the next round thanks to this Pessina goal #EURO2020
pic.twitter.com/JjfoNGi6vG— FUT Levi (@FutLevi) June 26, 2021
How low can you go? This is a terrific goal via #AUT’s Kalajdzic!
It snaps #ITA’s run of 11 consecutive clean sheets, dating back to October last year.
One more clean sheet would’ve equalled Italy’s record from 1972-74.#ITAAUT #EURO2020
— Sacha Pisani (@Sachk0) June 26, 2021
Италија е во четвртфиналето во кое ќе игра со подобриот од мечот Белгија-Португалија.
