Арсенал во дербито на 34. коло од Премиер-лигата го победи Челзи со 3:1 и со тоа привремено се врати на првото место со 78 бода, два повеќе од Манчестер Сити, кој има два натпревари помалку. Челзи ја продолжи страшната форма која ја одбележа целата сезона.
Ова беше седмо коло без победа. Тимот кој до крајот на сезоната ќе го води привремениот тренер Френк Лампард, откако претходно беа отпуштени Томас Тухел и Греам Потер, е на 12. место во англискиот шампионат со 39 бодови, далеку од местата што водат во европските натпреварувања.
Лампард во вториот мандат на клупата на својот клуб ги загуби сите шест натпревари што ги водеше и по поразот од Арсенал не го криеше разочарувањето:
„Челзи има многу успеси во 20 години, но ние не сме во тоа позиција во моментов. Во периодот во кој сум овде, ако се погледне зад сцената, на тренинзите, се гледаат причините зошто е тоа така. Ако секогаш ќе бидеме убав, убав тим, како во првото полувреме, тогаш не е важно против кого ќе играме.
Нема да се смени преку ноќ, но треба да го направиме тоа што е можно поскоро. Премногу сме пасивни, а причините можат да бидат различни. Играчите имаат ниска самодоверба, но кога сте играч на Челзи, мора да играте на одреден начин, дури и ако тоа е така. Единственото нешто што може да ве извлече од целата ситуација е разбирањето и работата“, изјави Лампард.
