Голманот на ПСЖ, шпанскиот интернационалец Серхио Рико е сериозно повреден откако денеска доживеал пад од сопствениот коњ. Првичните инфирмации се дека има сериозни повреди на главата и дека итно е пренесен во болница со хеликоптер.
„Марка“ пишува дека при падот животното со ногата дополнително го повредил Рико во пределот на вратот.
Рико беше дел од составот на ПСЖ викендов, а веднаш по завршувањето на мечот против Стразбур, заминал за местото Ел Рокио во Хуелва каде што се одржува фестивал. Таму и се случила несреќата.
