Македонија – Украина 2:3 вечерва на Арената во Скопје во квалификациски меч за ЕВРО 2024. Штета, имавме блескаво, фантастично, магично прво полувреме за водство од 2:0. Со голот на Барди од пенал и со онаа магија на Елмас.
Но затоа пекол за нас во второто полувреме. Како да истрча некоја друга Македонија во вториот дел, катастрофална Македонија а Украина одлична, го искористи моментумот за три гола и за победа од 2:3.
Штета, навистина штета. Ќе се памети како тоа ние се испуштувме во второто полувреме.
БАРДИ ОД ПЕНАЛ, ПА МАГИЈА НА ЕЛМАС
Нервозен почеток на двете селекции, посебно на Македонија а за тоа беше виновен судијата Фандрих од Швацарија кој со неколку чудно одлуки ги изнервира нашите момци.
Но тоа кусо траеше, а како што одминуваше времето Македонија беше се подобра и подобра. Ако ја изземеме оној шут на Миколенко во 30 секунда, се останато беше на наша страна. Барди во 15.минута со шутот над голот го најави она што следуваше.
А потоа фантазија. Прво Матвијенко играше со рака за наш пенал, со помош на ВАР. Барди беше сигурен пеналџија за 1:0, за еуфорија на 20.000 фанови на Арената.
Веднаш потоа Трајковски упати закана, но ништо. И тогаш дојде таа 39.минута кога Елмас со магичен гол, со фантастичен гол успеа да зголеми на 2:0. Тоа беше гол кој ретко се гледа, гол кој во транс ги фрли фановите.
Во 44.минута Алиоски од слободен удар шутираше фантастично, но Трубин едвај одбрани.
Штета, бевме блиску до 3:0. Малку недостигаше. Но и вака со 2:0 одиме на пауза.
Супер Македонија, супер водтсво, БРАВО МОМЦИ.
УКРАИНА БРЗОПОТЕЗНО ИЗРАМНУВА, ПА И ПОВЕДУВА
Второто полувреме почна мирно, Македонија како што и треба, не веќе такака офанзивна. Нема потреба да се залетуваме, па водиме со 2:0. Им ја препуштаме иницијативата а ние од контри се закануваме.
И така беше се до 62.минута кога Забарни ја искористи нашата невнимателност и намалува на 2:1. Примен гол во незгодно време.
Штета.
Но, тоа не е се. Мудрик во 68.минута асистира, а Конопља израмнува, каков шок на Арената.
Дали навистина требаше толку да се повлечеме? Од 2:0 зна 2:2 за само шест минути. Да биде уште полош, Муслиу доби втор жолт картон, па мораше да ја го напушти теренот. Јасно е дека нема да игра и против Англија во понеденик.
Се виде дека Украина е подобра во овој дел, Мудрик со нова асистинција а Циганков во 83. со гол за 2:3.
Квалификации за ЕВРО 2024 – група Ц
МАКЕДОНИЈА – УКРАИНА 2:3 (2:0)
Национална Арена “Тодор Проески“ во Скопје. Гледачи: 18.000. Судија: Лукас Фандрих (Швајцарија). Стрелци: Барди (п) 30., Елмас 39. (МАК), Забарни 62., Конопља 68., Циганков 83. (УКР). Ж. Картони: С. Ристовски, Муслиу (МАК), Довбик (УКР). Ц. Картони: Муслиу 72. (МАК).
МАКЕДОНИЈА: Димитриевски, С. Ристовски, Муслиу, Зајков, Ашковски (65.Брдаровски, 90.Дор.Бабунски), Алиоски, Барди, Адеми (65. Атанасов), Елмас, Несторовски (65. М. Ристовски) Трајковски.
УКРАИНА: Трубин, Тимчик (46. Конопља), Забарни, Матвијенко, Миколенко, Циганков (92. Зубков, Степаненко, Судаков, Мудрик (90. Сидорчук), Довбик (46. Ванат), Јармоленко (66. Малиновски).
