Станислав Черчесов ќе биде отпуштен од функцијата селектор на руската фудбалска репрезентација. Вечерва повеќе руски медиуми објавија дека во Руската федерација веќе два дена се дискутира на оваа тема и се бара начин како да се заврши соработката со 57-годишниот стратег.
Според информациите, РФУ ќе започне преговори за условите за раскинување на договорот со претставник на Черчесов во наредните денови.
„Сè уште не е побарано тој да ја напушти функцијата. Сепак, тимот на Черчесов не брза да го раскине договорот. Страните ќе разговараат за надомест на штета според договорот“, изјавил извор во РФУ.
