23-годишниот Томче Гроздановски е новото големо засилување за Работнички во пресрет на новата сезона. Денеска тимот од Дебар Маало и официјално го потврди потписот на Гроздановски кој им се приклучува на „романтичарите“ откако му заврши договорот со словачкиот клуб, Злате Моравце.
Гроздановски е поранешен младински репрезентативец на Македонија кој има и еден настап за сениорскиот национален тим. Во изминатите сезони беше на „печалба“ во Злате Моравце, од каде една сезона како позајмен фудбалер настапуваше и во екипата на Дугопоље во Хрватска.
