Арда Гулер беше претставен во Реал Мадрид како нов играч на клубот. Младиот турски играч од средниот ред ги одби понудите од други клубови, меѓу кои и Барселона, и пристигна на „Сантијаго Бернабеу“. Реал за младиот турски напаѓач на Фенербахче му искешира 20 милиони евра, а за него проговори и претседателот на Барселона Жоан Лапорта.
„Имаме подобар тим од Реал Мадрид. Не е само прашање на тимот, имаме и подобри играчи индивидуално. Тие се далеку пред Реал. Знаеме што сака тренерот Чави. Ни недостигаат бек и играч од средниот ред за исполни ги сите негови барања“, започна шефот на Барселона и додаде:
„Имавме договор со Гулер и бевме подготвени да му платиме на Фенербахче 17,5 милиони евра. Потоа се појавија други клубови како Реал и платија многу повеќе. Тогаш решивме да не влегуваме во тендерска војна, имаме други добри играчи. Можевме да се натпреваруваме за него, но не сакавме. Не сме за него и нема да бидеме ниту за други. Имаме одредени критериуми и ги почитуваме. Не сакаме да се враќаме назад“.
