Се е подготвено за стартот на Светското првенство во кошарка кое годинава се одржува во три земји во Азија.
Домаќини на Мундобаскетот ќе бидат Филипините, Јапонија и Индонезија, турнирот започнува на 25 август и ќе трае до 10 септември.
Затоа ФИБА подготви интересна содржина, вклучително и прогноза за освојување на наградата за најдобар млад играч на турнирот.
Меѓу нив беше и еден српски кошаркар, Никола Јовиќ од Мајами, кого ФИБА на сликата го претстави како Балша Копривица со погрешна графика. Кошаркарот на Партизан не се најде на конечниот список, па нема дилема дека се работи за мал, но секако забележлив пропуст.
