Македонскиот шампион Струга Трим Лум вечерва го одработи и тренингот во Копавогур, местото каде што утре ќе го одигра реваншот од плеј-офот во Лигата на конференции против двојниот исландски првак Бредаблик.
Четата на Шпетим Дуро го почувствува теренот и климата на Исланд, а утре со почеток од 18:45 часот ќе мора да се потрудат да ја надополнат негативата од еден гол од првиот меч (0:1). Стружани имаа многу шанси да направат подобар резултат, но Исланѓаните го добија мечот. Ќе видиме дали нашиот првак ќе може да возврати.
