Управниот одбор на Ракометна Федерација на Македонија донел одлука за именување на Наум Танески за тренер/селектор на машката кадетска репрезентација на Македонија. Според потврдата од РФМ, негов помошник ќе биде Миле Бочкаровски.
Машката кадетска репрезентација ќе учествува на квалификацискиот турнир кој ќе се одржи во периодот 04.01.2024 – 08.01.2024 година. На турнирот ќе учествуваат и националните селекции на Косово, Швајцарија и Словачка од кои најдобрите 2 селекции ќе обезебедат пласман на ЕП за играчи до 18 години, следната година во Црна Гора.
Организатор на групата за квалификацискиот турнир е Македонија, а натпреварите ќе се одигруваат во Скопје во спортскиот центар „Автокоманда“, а во пресрет на подготвителниот период машката кадетска репрезентација ќе учествува и на турнирот „Трофеј Карпати“ кој ќе се одржи во Плоешти, Романија во период од 25 до 29 октомври 2023, каде ќе учествуваат и националните кадетски селекции на Египет, Црна Гора и Романија.
