Тимот на Реал Мадрид синоќа, повеќе од среќно на домашен терен во рамките од Лигата на Шампионите го совлада тимот на Унион Берлин со 1:0. Голот постигнат во судиското продолжение на Џуд Белингам беше таличен за „Кралевите“ да не киксираат сериозно уште на почетокот.
„Второто полувреме беше подобро за нас. Добро е што овојпат не примивме гол. Унион Берлин речиси и да не ни остави празен простор за игра. Белингем има сериозна класа, а среќата е со него бидејќи секогаш се наоѓа на вистинското место, како што беше против Гетафе . Кога напаѓа од позадина е многу опасен. Ја користи својата интелигенција и тоа му помага“, изјави Анчелоти.
„Нашиот тимски дух е на многу високо ниво. Секој што го носи дресот на Реал мора да има менталитет на победник“, продолжи Италијанецот па поентираше.
„Сигурно ни недостасува Винисиус бидејќи тој е еден од најдобрите напаѓачи во светот. Тој знае да направи разлика. Хоселу заврши одлична работа и можеше повторно да постигне гол. Со него сме поопасни во играта со глава“, додаде Анчелоти.
