Играчот за врска на Реал Мадрид, Тони Крос, најверојатно следното лето ќе си оди од “Сантијаго Бернабеу“. Германецот сега има 33 години и со оглед на тоа дека во јуни му истекувба договорот, а Реал нема намера да го продолжи тоа значи дека ќе мора да си бара нова средина.
Па така деновиве во медиумите на Островот се шпекулира дека Манчестер Сити е силно заинтересиран за услугите на искусниот Крос и му нуди неверојатна годишна плата од 13 милиони фунти.
Сега останува да се види дали Крос истата понуда ќе ја прифати. Инаку интересно е тоа што за разлика од голем број на играчи тој истакна дека никогаш не би заиграл во С. Арабија, ако се знае дека и од повеќе клубови од таа земја тој има постојано понуди.