Комесарот за натпреварување, Александар Милојевиќ го објави новиот билтен на казни за изминатото трето коло. Во зебелешките на комесарите на мечевите и натаму стојат проблемите со техничките уреди, што пак во едно вакво модерно време навистина е чудно како прволигашки тимови се уште го немаат решено овој проблем, а се декларираат како професионалци.
Најголема парична казна за третото коло ќе плати Пелистер. На дуелот против МЗТ Скопје, фановите не го почитувале фер-навивањето, па токму затоа раководството ќе треба да издвои 32.000 денари. Дополнителни 3.000 денари Пелистер ќе плати за неисправен технички уред и една казна за техничка грешка во висина од 3.200 денари.
