Аргентинскиот фудбалер Папу Гомез е суспендиран на две години поради присуство на забранета супстанција во неговиот организам. Тој се напил една лажичка од сирупот за кажлање на неговиот син за да си ја олесни кашлицата и поради тоа е позитивен на допинг тестот.
Тој почувствува потреба да и објасни на јавноста што се случува за да не се фрла црна дамка на неговата кариера. Со оглед на возраста и висината на суспензијата тој би можел да стави крај на кариерата.
„Врз основа на неодамнешните објавени вести за мојот идентитет во врска со можното прекршување на антидопинг правилата, ги информирам медиумите и јавноста за следново:
- Најпрво потврдувам дека добив известување за одлуката на шпанскиот антидопинг комитет, според која правата ми се суспендирани на период од две години.
- Не само што секогаш строго ги почитував сите правила, туку бев и цврст бранител на чистиот спорт и спортскиот дух, категорично осудувајќи ги сите форми на допинг.
- Никогаш не сум имал, ниту ќе имам намера да прибегнам кон забранета практика.
- Наводното нарушување доаѓа од присуството на тербуталин во мојот систем, бидејќи го земав случајно со земање на лажица од сирупот на мојот млад син за да ми ја олесни кашлицата. Важно е да се разјасни дека терапевтската употреба на тербуталин е дозволена за професионални спортисти и на ниту еден начин не ги подобрува фудбалските перформанси.
- Без да навлегувам длабоко во оваа ситуација, ја ставив оваа задача во рацете на моите адвокати да истражат дали дисциплинскиот случај не бил постапен според нормите.
- Конечно, сакам да им се заблагодарам на сите изрази на наклонетост и поддршка што ги добив во овие тешки моменти на професионален план“, напиша Папу Гомез.
