Ковид-19 одново влегува на голема врата во клубовите во Серија А. Па така денеска и официјално со соопштение излезе раководството на Специја, во кое се вели дека дури шестмина играчи и еден член на стручниот штаб биле позитивни. Веднаш цела екипа е ставена во карантин, односно во изолација, а со тоа подготовките, односно сите активности се прекинати.
Да потсетиме дека во текот на вчерашниот ден овој клуб беше казнет со забрана за трансфери во наредните четири преодни рокови. Имено Специја како клуб ги кршел правилата за трансфери на млади играчи.
