По ремито со Австрија, Хрватите добија уште една непријатна вест денеска. Имено, по повредата здобиена на натпреварот со Австрија, хрватскиот репрезентативец Иван Мартиновиќ синоќа бил на прегледи во болницата во Манхајм, по што е констатирано дека за него ЕП заврши. Според првичните информации Мартиновиќ има посериозна повреда на рамото.
Мартиновиќ, кој е член на бундеслигашот Мелсунген, постигна осум гола во победата против Шпанија, а два против Австрија.
