Има договор, а тоа значи дека напаѓачот од Јамајка и досегашен член на Брегалница, Роналдо Вебстер е третото зимско засилување во редовите на Шкендија. Раководствата на двата клуба се договориле за висината на отштетата, тетовци имаат договор со Роналдо околу личните услови и сега се чека само на промоција.
Да потсетиме дека Роналдо во Брегалница дојде минатото лето. Имеше одлична полусезона па затоа и стана еден од најбараните играчи оваа зима во ПМФЛ. Шкендија беше најупорна и најконкретна и затоа и го доби.
Па така по Ване Крстевски и Стефан Коцев, Роналдо е третото ново име оваа зима во тимот на стратегот Јетин Беќири.
Дознаваме дека Шкендија и натаму притиска за Инацио Куевен, но сепак проблем е квотата на странци.
