Украинската тенисерка Дијана Јастремска денеска се пласираше во полуфиналето на Австралија Опен, откако по два сета со 6:3, 6:4 ја совлада 50. тенисерка во светот, Линда Носкова.
Јастремска, 93. тенисерка во светот, победи по 78 минути и за првпат во кариерата се пласираше во полуфинале на Гренд слем турнир.
Јастремска е само втората тенисерка во опен ерата која успеала да стигне до полуфиналето по квалификациите на Австралија опен од 1978 година, кога тоа го направила Кристин Стори.
Таа во полуфиналето ќе игра против подобрата од последниот четвртфинален дуел меѓу Калинскаја и Женг.
