Екипата на Еуро Никел во продолжение на сезоната ќе биде посилна под обрачите. Кавадаречкиот прволигаш потпиша играч од Бахамите. Станува збор за Шакило Фриц, кој доаѓа од тимот на Динамо Букурешт каде неговиот просек не е импресивен, 3,6 поени и 2,4 скока за 13 минути во игра.
30-годишниот кошаркар има настапувано во Португалија и во Шпанија во ЛЕБ Силвер лигата.
Тој се очекува да настапи во четвртфиналето на Купот на Македонија, каде Еуро Никел ќе игра против Чаир. Инаку денеска кавадарчани го пречекуваат Работнички во меч од Првата лига.