Суперболот, неофицијален национален празник во САД, вечерва ќе донесе ново спортско-забавно штоу во кое централното место ќе го имаат Канзас Сити Чифс и Сан Франциско.
За првпат ќе се игра во Лас Вегас, кој во последната деценија од „Град на гревот“ се повеќе се претвори во спортски центар, па најдобрите играчи во американски фудбал ќе ги гледаме од 00:30 часот по наше време во популарната „Сфера“.
Актуелниот шампион Канзас по вторпат во изминатите неколку години ќе се бори за титулата против Сан Франциско, петкратниот шампион, кој чека 29 години да го подигне трофејот, откако Чифси ги совладаа последен пат во Суперболот во 2020 година.
Канзас имаат шанса да станат првиот тим по Њу Ингланд Патриотс (2003, 2004) кој победува во две сезони, додека Сан Франциско исто така би го израмниле рекордот на тимот на Фоксборо за најмногу титули (6). Вечерта може да биде посебна и за бекот на Канзас, Патрик Махомес, кој не само што може да стане петтиот играч кој освоил три Супербол трофеи од таа позиција. туку, тој би бил единствениот покрај Том Брејди и Трој Ајкман, кој освоил три Супербол трофеи пред неговиот 30-ти роденден.
Сепак, покрај спортската, Суперболот ја имаа и онаа друга страна – забавата и парите. Дека е убедливо најпопуларен настан покажува податокот дека од 10-те најгледани спортски преноси во историјата на таа земја, осум му припаднале на Суперболот. Минатогодишното финале го погледнале околу 113 милиони луѓе, а прогнозите се дека овој рекорд лесно ќе биде соборен.
Големата популарност носи големи приходи, па само половина минута реклама на CBS, која го пренесува овој натпревар, огласувачите ќе ги чини седум милиони долари. Сите маркетинг блокови беа распродадени уште во ноември. Најевтините билети моментално се околу 7.000 долари, но просечната цена на билетите е речиси 10.000 долари, што е рекорд и пораст од 70 отсто во однос на минатата година. Цената на авионските билети на релација Канзас-Лас Вегас скокна за 350 отсто и изнесуваат 670 долари, но поголемиот проблем е што на аеродромите нема повеќе места за паркирање. На сето тоа додадете ги цените на сместувањето и придружните трошоци, ќе дојдете до солидна сума што треба да се одвои за задоволство да се следи ваков натпревар во живо.
НФЛ специјално го подготви теренот за Суперболот. Специјалната трева била испорачана во Лас Вегас од Калофорнија и тестирана со недели. Ѕвездата на шоу-биз делот ќе биде музичката атракција Тејлор Свифт, која дополнително е во фокусот на вниманието откако беше откриено дека се забавува со ѕвездата на „Чифс“, Тревис Келче. Сепак, таа нема да настапи на полувремето, во традиционалната музичка програма на која некои се радуваат повеќе од самиот натпревар. Таа чест оваа година му припадна на Ашер, кому ќе му се придружат раперот Пост Малоун, Андра Деј и Тиесто, кој ќе стане првиот диџеј кој ќе настапи во живо за време на мечот.
