Баскет Кам ја оправда фаворитската улога против МЗТ Скопје во финалето на Купот на Македонија „Благоја Георгиевски Буштур“. Избраничките на Жаклина Стојановска славеа против МЗТ Скопје со 67-39 и се закитија со третиот пехар во ова натпреварување.
Ивана Кметовска со 23 поени и 15 скока беше прв стрелец, зад неа беше Димова со 19 поени и 9 скока. На другата страна Томас имаше 16 поени.
Баскет Кам името на победникот го реши после само 20 минути игра по кои имаше водство од 45-20. МЗТ Скопје беше бледо издание денеска, беше под просекот, па победата во редовите на Баскет Кам оди сосема заслужено.
Во продолжение, избраничките на Стојановска ја имаа полесната задача, рутински го приведоа натпреварот во своја корист.
Visited 1 times, 1 visit(s) today
