Хрватскиот стратег Игор Тудор ќе биде наследникот на Маурицио Сари на клупата на Лацио. Како што утринава јавуваат медиумите во Италија успешно биле завршени преговорите меѓу хрватскиот стратег и раководството на гигантот од Рим, па така Игор Тудор ќе биде стратегот на Лацио, се очекува само официјална потврда и од страна на римјаните.
Како што се наведува, Хрватот ќе потпише договор со Лацио до јуни 2025 година, со можност, ако двете страни се задоволни од соработката истата да биде продолжена.
