Лука Дончиќ си ја заврши работата на натпреварот против Сакраменто Кингс. Погоди две слободни фрлања за 107:103, а потоа реши да испрати интересна порака до славниот Владе Дивац.
Откако ги погоди клучните слободни фрлања против Сакраменто Кингс, Дончиќ се сврте кон легендарниот српски кошаркар и му порача: „Требаше да ме драфтуваат“.
Да потсетиме, на НБА драфтот за 2018 година, Дивац како ГМ на кралевите го избра Марвин Багли Трети со вториот пик, кој моментално е член на Вашингтон Визардс и кој во просек бележи 13 поени по натпревар.
Лука Дончиќ, пак, е еден од најдобрите кошаркари на денешницата. Синоќа постигна 26 поени, 12 асистенции и девет скока и е главен кандидат за МВП титулата покрај Никола Јокиќ.
Luka Doncic as he puts away the Kings tonight in Sacramento with his final free throw, then as the final horn sounds, waves goodbye to former Kings GM Vlade Divac seated courtside and says “he shoulda’ drafted me.” pic.twitter.com/6j26cLprxA
— Sean Cunningham (@SeanCunningham) March 30, 2024
Словенецот сезонава има просек од 33,9 поени, речиси 10 асистенции и над девет скока по меч. Во кариерата има 28,6 поени, и преку осум скока и асистенции по натпревар.
Владе Дивац е, како што е познато, апсолутна легенда на југословенската кошарка. Славниот центар во текот на својата НБА кариера настапуваше за Лос Анџелес Лејкерс, Шарлот Хорнетс и Сакраменто Кингс.
Резултати: Шарлот – Голден стејт 97:115, Индијана – ЛА Лејкерс 109:90, Орландо – ЛА Клиперс 97:100, Вашингтон – Детроит 87:96, Бруклин – Чикаго 125:108, Кливленд – Филаделфија 117:114, Мајами – Портланд 142:82, Оклахома сити – Феникс 128:103, Сан Антонио – Њујорк 130:126 (прод.), Денвер – Минесота 98:111, Јута – Хјустон 100:101, Сакраменто – Далас 103:107.
