Фудбалерот од средниот ред на Вердер, Наби Кеита одбил да отпатува со екипата во Леверкузен на меч од Бундес лигата затоа што тренерот му соопштил дека не го планира за стартниот тим. Кеита се налутил и не се качил во автобусот, туку си заминал дома.
Вердер изрече казна за фудбалерот за непочитување на одлуката на тренерот. 28-годишниот играч не само што нема да игра на сите натпревари до крајот на сезоната туку нема да тренира со екипата и нема право да влегува во соблекувалната.
„Однесувањето на Наби не може да помине неказнето. Со оваа акција тој го доведе тимот во тензична спортска и кадровска ситуација и се стави над тимот. Не можеме да го дозволиме тоа. Во оваа фаза од сезоната ни треба обединување. Немаше алтернатива за нашите мерки“, објасни директорот на Вердер, Клеменс Фриц.
