Како што пренесува порталот “Фактор.мк“, Јавното обвинителство побарало мерки за претпазливост за 12 лица од Агенцијата за млади и спорт и тоа поради распределбата на средствата од ваучер системот.
„ Постапувајќи по поднесената иницијатива од Државната комисија за спречување на корупцијата, надлежниот јавен обвинител поднел обвинителен предлог против 12 лица за кривични дела – Злоупотреба на службена положба и Несовесно работење. За осомничените до Основниот кривичен суд Скопје е доставен предлог за определување мерки на претпазливост“, информира ОЈО.
Да се потсетиме дека ДКСП пред извесно време, најави дека поради сомнежи за злоупотреба и непочитување на ваучер – системот ќе достави иницијатива за кривично гонење на директорот на АМС, Наумче Мојсоски и членовите на Централната комисија на АМС.
