Поранешниот кандидат за претседател на Барселона, Виктор Фонт најави дека за еден месец ќе одржи официјална прес-конференција на која ќе ги открие „сите вистини што не ни се кажуваат“ поврзани со ситуацијата во каталонскиот гигант.
Ова се случи во неговото денешно интервју на „Радио Каталуња“ во кое изјави дека со „Каталонците“ моментално управуваат пријателите и семејството на Жоан Лапорта, а клубот е во целосен институционален хаос.
„Ситуацијата во клубот е целосно збунета. Не ме загрижува недостигот на трофеи, ме загрижува институционалниот хаос. Барса продолжува да биде воз кој лета со 300 километри на час директно кон ѕид. Сега сме многу полоши отколку пред три години. Никој не ни ја кажува вистината. Нѐ лажат. Јас не кажувам дека сме полоши туку бројките.
За последните три години акумулирани се една милијарда оперативни загуби. Продадовме имот, а тоа лошо, во пракса клубот нема план за преродба. Сега во Барселона ги има само семејството на Лапорта и неговите пријатели. Сите заминаа.
Лицата кои ги носат главните одлуки се поранешниот зет на Лапорта, кој нема официјална позиција, но е вклучен во сите одлуки. Деко, кој е пријател со поранешниот девер, Рафа Јусте, кој е добар човек, и самиот Лапорта, кој може да го сака клубот колку сака, но не е подготвен. Неговиот претходен мандат знаеше да делегира одлуки, но ги имаше Кројф и Чики (Бегиристајн) кои беа советници, и кои немаат никаква врска со моменталната ситуација.
Го имаме најдобриот тренер во светот кој не работи во клубот, најдобрите директори кои работат во друг клуб. Мора да создадеме услови сите овие луѓе да се вратат“, изјави Виктор Фонт.
🚨ÚLTIMA HORA
Según Víctor Font:
“Laporta lleva el club entre familiares y amigos “
“El Barça es un tren a 300km/h hacia una pared”
“Los avales de algún directivo los han pagado los proveedores “Esto cada vez va a peor pic.twitter.com/sue0WJnh61
— the pollster🇪🇸🤍🤍🤍 (@The__Pollster) May 15, 2024
