Младата фудбалска репрезентација на Македонија до 19 години загуби катастрофално на првиот од двата контролни натпревари против соодветната селекција на Црна Гора.
Денеска во Скопје на тренинг центарот „Петар Милошевски”, избраниците на селекторот Вујадин Станојковиќ беа декласирани од соодветната селекција на Црна Гора со 1:5.
Единствениот гол за Македонија го постигна Мелиќи во судиското продолжение во првиот дел, откако гостите веќе направија предност од 3:0. Црногорците ја запечатија победата со уште два гола во второто полувреме.
Вториот меч е закажан во четврток во истиот термин.
