Новак Ѓоковиќ со многу мака го совлада Аргентинецот Франциско Серундоло. По четири и пол часа борба победи со 3:2 во сетови, иако се мирисаше на пораз и елиминација од турнирот.
Следен ривал на светскиот рекет број еден е Норвежанецот Каспер Руд. Сепак, прашање е дали Ноле ќе се појави на теренот бидејќи има проблеми со коленото.
Во вториот сет од мечот против Серундоло, тој се лизна, потоа доби лекарска помош и некако успеа да победи.
„Имам проблеми со коленото неколку недели, но тоа не беше ништо посебно. Се лизнав во вториот сет и почувствував болка. Пиев таблети против болки и тие почнаа да работат на крајот од четвртиот сет“, истакна Новак, а потоа откри како не е сигурен дека ќе игра во четврт-финалето.
„Не знам дали ќе играм во четвртфиналето, ќе видиме што ќе се случи“, изјави српскиот тенисер.
Iconic 📷#RolandGarros pic.twitter.com/gxewEIAcPP
— Roland-Garros (@rolandgarros) June 3, 2024
