Шпанија ја победи Италија со 1:0 и стана втората селекција по Германија која обезбеди пласман во осминафиналето на Европското првенство. Фурија во првото коло ја совлада Хрватска со 3:0 и им останува уште меч против Албанците за крај на групната фаза.
„Среќен сум, задоволен и пред се горд на групата играчи. Пред некој ден веќе кажав дека никогаш не се заморуваат од играње и победување и тоа повторно го докажаа.
Тоа беше многу тежок натпревар. Доминиравме во сите фази од играта, создадовме многу шанси, а резултатот е многу „краток“. Денес ни помага да знаеме дека игрите се многу комплицирани“, изјави Де Ла Фуенте по натпреварот и додаде:
„Ако сме реални, нема подобар од нас“, самоуверено рече тој, а оваа изјава секако ќе има голема резонанца во земјите чии репрезентации се борат за трофејот, како Германија, Англија, Франција…
„Ги почитуваме сите тимови, но само треба да продолжиме вака и мислам дека можеме многу“, заклучи Де Ла Фуенте.
Гледајќи објективно, ако се земе предвид она што се виде во претходниот дел од турнирот, Шпанија навистина импресионираше најмногу, особено против Италија кога имаше 20 удари, од кои осум кон противничкиот гол. Италијанците беа целосно немоќни, само еден удар во рамката од шпанскиот гол.
