Велика Британија го освои златото на штафетната трка 4х100 мешано притоа поставувајќи нов светски рекорд. Кејт Доусон (грбно), Адам Пити (градно), Џејмс Гај (пеперутка) и Ана Хопкин (слободен стил) ја освоија титулата со време 3:37.58 минути.
Тие го подобрија досегашното постигнување на квартет на Кина од 3:38.41 минути од 26 септември минатата година во Џиндао.
А Пити го освои второто злато во јапонската престолнина по победата и на 100 метри градно.
Британците одлучија да го наредат квартетот во формација – жена, маж, маж, жена. Во третата серија Гај имаше одлично пливање и ја однесе Британија на првото место, а по него Хопкин дури успеа да ја зголеми разликата и да го осигура златото.
Второто место и припадна на Кина која постави време од 3:38.86 минути, а третото место и бронзата замина кај Австралија во чиј тим беше Кејли Мак Кион која го освои третиот медал во Токио по титулите на 100 и 200 метри грбно.
