Поранешниот капитен на Англија, Алан Ширер смета дека поразот од Шпанија во финалето на ЕП 2024 веројатно ќе биде последен меч на Герет Саутгејт како селектор.
Шпекулациите за иднината на Саутгејт почнаа уште синоќа, откако Англија го загуби финалето од Шпанија. На 53-годишниот Саутгејт договорот со Англија му истекува на крајот на годината, и покрај тоа што инсистира дека ќе треба време да ја разгледа својата позиција, Ширер верува дека времето на Саутгејт истече.
„Се сомневам дека ова беше последниот натпревар на Саутгејт“, изјави поранешниот напаѓач на Блекбурн и Њукасл.
„Ќе има големо разочарување дома. Да, можевме да играме повеќе напаѓачки фудбал, но тие стигнаа до финалето – но кога сте тука, мора да ја поминете линијата. Реалноста е дека тој не одведе до финале пред три години и не одведе до финале овде, но не победи“, смета Ширер.
