Џастин Корнехо, 20-годишниот голман на Барселона од Гвајакил, Еквадор, почина по повредите на главата со кои се здобил откако паднал во туш-кабина. Неговиот клуб требаше да игра со бразилски Брагантино, но мечот е одложен поради тажната вест.
Несреќата се случила ноќта меѓу неделата и понеделникот кога младиот Еквадорец се лизнал и ја удрил главата додека се туширал. Иако брзо бил префрлен во болница, лекарите констатирале дека паднал во кома и дека нема мозочна активност, па се предвидувало најлошото сценарио. Два дена подоцна, за жал, тоа се оствари.
