Она што се денови се најавуваше, од вечерва е и официјално. Гостивар детонираше “бомба“ во мак – фудбалот и дефинитивно. Вечерва гостиварци се пофалија дека и официјално славниот Мароканец, Набил Дирар (38) е нивни член.
Дирар повторно ќе игра заедно со Алпер Потук, ама сега во Гостивар, а претходно заедно играа во Фенербахче кога Вардар во 2017 го победи турскиот гигант и се пласира во плеј – офот во ЛЕ. Тогаш и Дирар и Потук, беа стандардни во Фенер.
Дирар за селекцијата на Мароко има одиграно 46 натпревари и постигнато три гола. Офанзивецот во својата кариера покрај Фенер и други клубови, има играно и за Монако,Клуб Бриж…
