Една од иконите во Барселона повеќе од десет години, Серхи Роберто денеска официјално се прости од клубот и навивачите. Тоа го направи на специјална прес-конференција на која со солзи во очите најави разделба од клубот. Тој беше придружуван од други легендарни фигури за Каталонците, како и дел од неговата кариера, како Чави Хернандез, кој беше негов соиграч и до неодамна тренер, како и Пујол и Пике.
На прес-конференцијата присуствуваше и претседателот на клубот Жоан Лапорта. Се сметаше дека Серхи Роберто е речиси сигурно заминување минатото лето, но тој остана на Камп Ноу и неговите силни настапи оваа кампања му донесоа солидни ветувања за нов договор.
„Благодарам на сите. Во сите овие години видов многу легенди на клубот да си одат, а сега е и јас на ред. Јас сум навивач уште од дете и уживав во секоја минута во Барселона како да ми беше последна. Почнав во Ла Масија и таму ги поминав најдобрите години од мојот живот, каде што имав одлични пријатели. Ла Масија всушност го персонифицира овој клуб. Откако дебитирав, го исполнив мојот сон. Дадов се за овој клуб и сега само ќе бидам навивач. Никогаш не замислував дека ќе можам да дебитирам пред полн „Камп Ноу“ или дека ќе бидам капитен на првиот тим, како и играчи кои се уште чекорат по овој пат“, низ солзи изјави Серхи Роберто.
32-годишниот фудбалер игра за првиот тим на Барселона од 2010 година. Шпанецот стана седумкратен шампион на Шпанија, шесткратен освојувач на Купот на Шпанија и двократен освојувач на Лигата на шампионите. Со шпанската репрезентација има сребрен медал во Лигата на нации во 2021 година. Нејасно е каква иднина носи играчот од средниот ред, кој сигурно ќе предизвика интерес од различни клубови.
