Спектакуларната битка за шампионската титула во Могот ГП продолжува откако возачот на Дукати, Франческо Бањаја победи на денешната трка за ГН на Малезија пред ривалот Хорхе Мартин, а конечниот исход не чека за две недели во Барселона.
Веќе на стартот на трката видовме дуел помеѓу Багнаја и Мартин, но Италијанецот излезе како победник бидејќи ја одбрани пол-позицијата и прв излезе од првиот свиок.
Сепак, во позадина имаше страшен инцидент во кој беа вклучени Џек Милер, Бред Бајндер и Фабио Квартаро, што предизвика трката во Малезија да биде прекината на околу 20 минути додека на Милер му беше укажана лекарска помош.
За среќа, никој од горенаведените не беше тешко повреден во тој судир, што е најважно, а трката продолжи и после тоа.
Бањаја успеа повторно да го задржи првото место, но во следните неколку круга тој и Мартин се менуваа во водство, водејќи во неверојатни дуели на секој следен свиок.
Сепак, после тоа, актуелниот светски шампион успеа да земе замав во однос на Мартин и да наметне темпо кое Шпанецот очигледно не можеше да го следи.
ONE LAP TO GO! 🔄@PeccoBagnaia is on course to secure a championship lifeline! #MalaysianGP 🇲🇾 | #TheRematch 🏁 pic.twitter.com/4WLLcVwtL0
— MotoGP™🏁 (@MotoGP) November 3, 2024
Единствениот кој му се закани на ова дуо беше Марк Маркез, но тоа не траеше долго бидејќи поранешниот шампион повторно излета од патеката. Затоа во последните 12 кола ја гледавме само борбата помеѓу Бањаја и Мартин.
Пред последната трка од годинашниот шампионат, Хорхе Мартин има 24 поени предност пред Бањаја и доколку на спринт трката биде пред Италијанецот, тој ќе ја осигура титулата во Мото ГП.
Bagnaia wins The Battle of Sepang! #MalaysianGP 🇲🇾 | #TheRematch 🏆 pic.twitter.com/gV2UTCdArJ
— MotoGP™🏁 (@MotoGP) November 3, 2024
