Навистина неверојатно. Во последните денови јавноста во Србија па и околината е шокирана од тоа што го прават дел од фановите на КК Партизан. Разочарани од очајните настапи во Евролигата, каде нивниот тим во првите 10 кола има само две победи и се наоѓа на делба на последното место на табелата, тие преку социјалните мрежи, но и на поинаков начи, ги продаваат своите сезонски билети, а некои пак тоа го прават и по багателна цена.
Фановите на Партизан имаа големи очеквања за оваа сезона, се говореше и за напад на титулата во Евролигата, најмалку за пласман во Ф4, но дури сега се гледа каква катастрофална грешка направи тренерот Жељко Обрадовиќ кој ова лето направи целосна реконструкција во тимот. Собра „армија“ странски кошаркари и тоа како платени, за да тие како што се гледа биле со просечен квалитет и бадијала фрлени тешки милиони евра.
Па така сезоната во Евролигата по само не цела една третина практично заврши за Партизан.
Разочарани од се ова, од очајните игри и катастрофалното водење на тимот, фановите тоа не можат и не сакаат да го гледаат. Токму затоа и ги продаваат своите сезонски билети.
