Пелистер направи голем чекор кон осминафиналето во Лигата на шампиони, откако вечерва славеше на дуелот против Висла Плоцк со 21-18, конкурентот за шестото место на табелата во групата А.
На паузата, актуелниот македонски првак заминува со скор од две победи, две ремија и шест порази, односно со шест бода, два повеќе од полскиот првак. За шпанскиот стратег ова беше прва победа во Лигата на шампиони.
„Каква вечер, каква игра, вечерва сите уживаа. Мојата задача беше полесната бидејќи моите играчи играа на високо ниво, ми се допаѓаше како игравме дефанзивно во текот на целиот меч. Сосема ја заслуживме победата. Имавме периоди во кој не постигнавме голови, но треба да заборавиме дека игравме со Висла. На крајот концентрацијата во важните моменти беше на ниво на задачата. Најголем респект за играчите. Среќен сум за победата, играчите работеа напорно секој ден за овој дуел. Честитки до тимот, ужував во неверојатната атмосфера особено во последните моменти, магична сала, се надевам дека ова беше тоа што ни требаше, особено во оние последни секунди од дуелот. Денеска ќе славиме, а од утре се враќаме на нашите обврски“, рече Раул Алонсо по мечот.
