Кошаркарите на Денвер Нагетс го совладаа Лос Анџелес Клиперс (120:98) и покрај тоа што Никола Јокиќ не беше најдобриот поединец на натпреварот. Ретко се случува оваа сезона тимот од Колорадо да не зависи од српскиот центар, но неговите соиграчи конечно препознаа дека му е потребна помош, па одиграа добар натпревар против тимот од Калифорнија.
Никола Јокиќ мечот го заврши со 16 поени, седум скока, само две асистенции, две украдени топки и пет загубени топки. Најдобриот играч на Денвер Нагетс во изминатите години упати само девет шута на оваа средба, а поголемите улоги им ги препушти на соиграчите – веројатно надевајќи се дека тоа може да ги разбуди до крајот на сезоната.
Џамал Мареј го заврши мечот со 20 поени, а го следеше Мајкл Портер Јуниор со 17. Двоен учинок имаа и Пејтон Вотсон и Арон Гордон со по 14 поени. Кај поразениот тим Норман постигна 16 поени. Пауел и Кевин Портер Јуниор, додека Џејмс Харден постигна 15.
Кливленд беше подобар од Вашингтон со 115-105, Индијана славеше на гости кј Филаделфија со 121-107, Чикаго на домашен терен го победи Шарлот со 109-95, Мемфис беше убедлив против Бруклин дома (135-119), Минесота славеше против Лејкерс со 97-87, Феникс беше подобар од Јута со 134-126 и Сан Антонио дојде до триумф против Портланд од 118-116.
