Фудбалерите на Арсенал се првите полуфиналисти во Карабао купот на Англија, откако со пресврт го победија Кристал Палас со 3:2. Микел Артета излезе со комбиниран тим, но кога виде дека гостите поведоа, ги внесе во игра капитенот Мартин Одегард, Салиба и Букаи Сака и успеа да направи пресврт за победа.
Гостите поведоа уште во четвртата минута со голот на Матета и отидоа на пауза со предност. Во вториот дел Габриел Жесус израмни на 1:1 во 54. минута, а во 73. Минута со својот втор гол донесе пресврт и предност од 2:1.
Бразилецот беше стрелец и на третиот гол за домашните во 81. минута за 3:1, по што Нкетиа само намали на 3:2 во 85. минута.
