Рубен Аморим не може да се пофали со којзнае какви резултати на почетокот од својата тренерска кариера во Манчестер Јунајтед. Ако неговиот некогашен клуб, Спортинг Лисабон блескаше под негово водство, Јунајтед е далеку од тоа.
Сепак, ако е за некаква утеха за овој португалски стратег, тогаш и на Спортинг никако не му оди.
Имено на последните осум меча има само три победи. Уште поинтересно е тоа што наследникот на Аморим на клупата на овој гигнт од Лисабон, по осум средби веќе доби отказ.
Станува збор за Жоао Переира, кој дојде од вториот тим на Спортинг, и потпиша тригодишен договор,но следуваше шок. Вчера по ремито со Жил Висенте, раководството на клубот по само осум меча му врачило отказ.
