Ливерпул во моментов е екипата за која што се зборува не само во Англија туку и во цела Европа. Едноставно „Редси“ играат фудбал каков што само може да се посака и тоа е се благодарение на менаџерот Арне Слот. Тој беше оној кој што имаше сила и капацитет да го преземе клубот по деценија раководење од страна на Јирген Клоп и тоа се покажа како фантастичен потег на клубот.
Ливерпул не само што е лидер во Премиер лигата, лидер е и во ЛШ, а синоќа сета таа фантастична форма беше потврдена и во победата над Лестер од 3:1.
Мохамед Салах исто така го игра фудбалот на кариерата, нема меч на кој што тој не е стрелец, а по синоќешниот погодок за заверка на победата тој изјави.
„Остваривме добар резултат против противник кој ни го отежна натпреварот. Израмнувачкиот гол на Коди Гакпо ни даде самодоверба и во вториот дел стигнавме до победа. Останавме фокусирани и Коди постигна одличен гол. Често пробува вакви шутеви на тренинг“, изјави Салах кој што погоди по 16 пати сезонава.
Египќанецот веќе има 100 голови во Премиер лигата на „Енфилд“.
„Ова е достигнување на кое сум горд. Продолжуваме да работиме напорно и се надевам дека ќе постигнеме уште многу голови“, прокоментира Салах.
„Најважно е тимот да победи. Мора да продолжиме во истиот дух како што бевме и да останеме скромни. Оваа сезона е посебна и верувам дека на крајот ќе славиме со титула“, изјави ѕвездата на Ливерпул.
