Македонската ракометна репрезентација рано наутро замина за Загреб. Во последната фаза од подготовките за Светското првенство, Кирил Лазаров и неговите избраници вечерва (20:15 часот) во Арената во Вараждин ќе одиграат пријателски натпревар против Хрватска (директен пренос на РТЛ2).
Според информациите кои доаѓаат од Хрватска, салата е распродадена, дуелот ќе се игра пред полни трибини.
Нашите ракометари ќе останат во една од земјите домаќини на Светското првенство, ќе тренираат во Прелог до 13-ти јануари, по што се селат во Сент Мартин каде ќе бидат сместени сите репрезентации од нашата група: Унгарија, Холандија и Гвинеја.
Македонија првиот меч на СП го игра на 15-ти јануари против Унгарија во Арената во Вараждин.
