Тимот на Интер синоќа направи кикс на домашен терен. Во рамките од новото коло во Серија А, во Милано одигра само 2:2 со екипата на Болоња и на тој начин направи чекор назад во обидот да го запоседне врвот на табелата.
„Честитки за Болоња. Знаев дека се тежок противник. Игравме добро, но во исто време направивме и многу грешки. Ни постигнаа два гола по одбиени топки. Штета е што не ги освоивме трите бода, но не можам да ги обвинам момците бидејќи го направија она што јас сакав да го направат на теренот“, изјави Инзаги.
