Тренерот на Јувентус, Тиjаго Мота не може да се пофали со добар почеток на кариерата на кормилото на „старата дама“. По поразот на тимот од Торини од Наполи од 1-2 тој го има третиот најмал процент на победи од сите тренери во историјата овој клуб. Јуве претходно имаше 21 натпревар без пораз во Серија А, но и покрај тоа, нивните резултати не беа импресивни и тимот моментално е само на петтото место на табелата, со 16 бода зад Наполи на врвот.
Што се однесува до освоените поени, ова е најлошиот почеток на Јувентус во последниве 14 години со само 37 поени од првите 22 натпревари во сезоната 2024-2025. „Старата дама“ не започнала полошо од 2010/11 година, кога Луиџи Делнери забележа девет победи, осум нерешени и пет порази за вкупно 35 бода од 22 меча.
Како што стојат работите, Тиjаго Мота има стапка на победи од 38,71% со Јувентус во Серија А. Само двајца постојани тренери имаат полоши резултати: Алберто Закерони со 38,10% и Сандро Пупо со 24,19%.
Дури се појавија првични шпекулации дека газдите на „старата дама“ не се задоволни од бразилскиот стручњак и веќе бараат негова замена. За оваа позиција се размислува за името на Чави Хернандез.
