Лука Дончиќ во четвртиот настап во дресот на Лејкерси одигра на врвно ниво. Словенецот беше главен лидер на победата на својот тим против Денвер од 123-100, каде целосно го засени Никола Јокиќ. Лејкерси на тој начин ставија крај на двете одлични серии на Нагетс. Ова е нивна прва победа во Денвер по речиси три години.
Дончиќ за половина час игра постигна 32 поени, шутираше 10/22 од поле, а 4/9 од тројка. На претходните натпревари за Лејкерси не се истакна во слободните фрлања, но сега ги погоди сите осум. Тој имаше 10 скока, 7 асистенции и 4 украдени топки.
LUKA DONČIĆ DOMINATES SATURDAY PRIMETIME!
⭐️ 32 PTS (most as a Laker)
⭐️ 10 REB
⭐️ 7 AST
⭐️ 4 STL
⭐️ W pic.twitter.com/V3MGNibQmJ— NBA (@NBA) February 23, 2025
Статистичарите велат дека ова е првпат, еден шутер на Лејкерс да има вакви бројки по Меџик Џонсон. Дончиќ додаде една блокада, а овојпат ги намали загубените на само еден. Дончиќ во првите три натпревари за Лејкерси имаше просек од 14,7 поени. Го префрли во Денвер по само 10 минути.
Luka vs the Nuggets:
32 PTS (30 MIN)
10 REB
7 AST
4 STL
+20The first Lakers guard since Magic Johnson to reach those numbers in a game. pic.twitter.com/sWFHYh1v1I
— StatMuse (@statmuse) February 23, 2025
Леброн Џејмс за 33 минути постигна 25 поени (11/19 од поле), а придодаде и 9 скока и 5 асистенции. За Лејкерси вреди да се издвои и Остин Ривс, кој за 33 минути постигна 23 поени (7/13) со 7 асистенции.
Главната ѕвезда на Денвер и актуелен МВП на најсилната лига одигра чудна партија, полна со контрадикторности. Јокиќ сезонава по 26-ти пат оствари трипл-дабл, но по негов критериум беше тенок. Тој имаше само 12 поени при лоши 2/7 шут од поле. Но, со 13 скока и 10 асистенции беше најдобриот скокач и додавач во играта. Најефикасен кај Нагетс беше Арон Гордон со 24 поени на 9/15 шут од поле, Мареј додаде 19 со 6 асистенции.
На останатите средби, Бруклин славеше против Филаделфија на гости со 105-103, Јута беше подобра од Хјустон со 124-115, додека Портланд заапиша убедлив триумф пред своите фанови против Шарлот од 141-88.
