Левиот бек Енди Робертсон доби жестока реакција на социјалните мрежи поради лошиот настап на денешниот меч со Фулам, на кој „црвените“ беа поразени со 3:2. Репрезентативецот на Шкотска оваа сезона беше често на удар, а експертите и поддржувачите често тврдат дека тој веќе не може да игра на највисоко ниво.
Робертсон направи огромна грешка непосредно пред Алекс Ајвоби да го постигна вториот гол за Фулам, а навивачите на социјалните мрежи имаа тон критики.
„Време е да се пензионираш“… „Робо треба брзо да почне да учи арапски“… „Робертсон на крајот од сезоната пакувај ги куферите“…, се само дел од реакциите на навивачите на Ливерпул.
Ливерпул веќе ги разгледува потенцијалните засилувања за позицијата лев бек. Интересно е тоа што левиот бек на Фулам, Антоне Робинсон, кој денес се претстави одлично, е едно од имињата за кои се верува дека се на радарот на Арне Слот.
