Навистина што се случува со Денвер? Никола Јокиќ одново имаше фантастична партија, утринава против Индијана со 41 поени, 15 скокови и 13 асистенции, ама бадијала кога неговиот тим го доживеа и четвртиот пораз во серија па така сега го стави под знак прашалник и влезот во пеј -офот. Накусо, Денвер 120, Индијана 125.
Ова беше негов 32. трипл – дабл сезонава со што го урна рекордот на Вилт Чембрлен и стана центар со најмногу трипл-дабл изданија во една сезона.
Сепак треба да се каже дека Србинот, веројатно од замор беше тој што погреши во клучниот напад кога се кршеше резултатот и тоа беше тоа од Никола и од Денвер.
На останатите мечеви кои се одиграа синоќа треба да се спомене одличното издание на Лука Дончиќ и неговите 30 поени во победата на ЛА Лејкерси против Оклахома со 126:99.
Ова се останатите резултати:
Аталанта – Јута 147:134, Бостон – Вашингтон 124:90, Кливленд – Сакраменто 113:120, Портланд – Сан Антонио 120:109, Њујорк – Феникс 112:98, Голден Стејт – Хјустон 96:106, Њу Орлеанс – Милвоки 107:111.
