Тимот на ЖФК Љуботен е освојувач на овогодинешниот Куп на Македонија во женска конкуренција. Тимот од Тетово во финалето одиграно на комплексот Петар Милошевски го совлада тимот на Брера Тиверија со 3:0 и заслужено дојде до трофејот.
Струмичанки го издржаа притисокот некаде до 45. минута кога Огочукву погоди за водство. Потоа истата фудбалерка зголеми на 2:0 четири минути подоцна, за да Величковска во 89. минута ги постави конечните 3:0.
Сега Љуботен има отворен пат да освои двојна круна сезонава затоа што е лидер и во домашниот шампионат.
