Иако не е преполна салата “Јане Сандански“ за дуелот меѓу Вардар и ППД Загреб, сепак атмосферата е убава, онаа позната, вардарова.
Аплаузите од присутните при претставување на ракометарите на ППД Загреб, ги собра, се разбира Иван Чупиќ. Тој беше громогласно поздравен, а како и не би кога со овој ракометар се врзани сите најголеми и историски успеси на РК Вардар.
Секако дека фановите на Вардар со овации го поздрави и враќањето на клупата на нивниот миленик, Веселин Вујовиќ.
Вујо Мајсторе, одново е тука, меѓу вардарците и фановите.
