Рајан Черки од денеска и официјално е нов фудбалер на Манчестер Сити. 21-годишниот играч од средниот ред им се придружи на „граѓаните“ по трансферот од Лион за 36,5 милиони евра + 6 милиони евра во вид на бонуси.
Во своето прво клупско интервју, Черки изјави дека е пресреќен што дојде во најголемиот тим во Европа.
„Многу сум среќен што играм за Манчестер Сити . Тоа е најголемиот клуб во Европа. Ми се допаѓа стилот на игра, тоа е многу важно за мене. Ова е мој избор и мислам дека е најдобриот избор за мојата кариера бидејќи Манчестер Сити е најдобрата опција за мене. За мене Гвардиола е најдобриот тренер во светот и мислам дека е најдобриот тренер во историјата“, изјави Черки во првото клупско интервју за „граѓаните“.
